કવિતાનો ‘ક’

મીત્રો અને વડીલો,

આ બ્લોગ પરની તમામ પોસ્ટ સહીત હવે નવા બ્લોગ પર આપણે મળીશું.

નવા બ્લોગનું સરનામું નોંધી લેશો.

http://sunilshah.wordpress.com

આભાર..

સુનીલ શાહ

સાદ આજે ઉધાર લઈ આવો,

આમ ડૂમાને બ્હાર લઈ આવો.

આ વિકસતા અગાધ રણ વચ્ચે,

ચોતરફ જળની ધાર લઈ આવો.

જ્યાં તમસનો મુશાયરો જામ્યો,

ત્યાં જ ચાલો, સવાર લઈ આવો.

લ્યો, ફરી વેદનાની ક્ષણ આવી,

સ્નેહભીનો વિચાર લઈ આવો.

આજ, સંવેદના ચકાસી લઉં,

લાગણી પર પ્રહાર લઈ આવો.

કેટલાં જન્મની તરસ છે, આ ?

એક ઝરણું ધરાર લઈ આવો.

સુનીલ શાહ

અમારે તો બસ, એ સહારોય કાફી,

કે, સૂરજ નહીં તો સિતારોય કાફી !

જરૂરી નથી કે, પ્રણય હોય વાચાળ,

હૃદયથી થતો એક ઈશારોય કાફી !

ભરી આશ ખોબે, અમે ઊભા કાંઠે,

આ જળ સાથે, થોડો પનારોય કાફી !

કસોટી ક્યાં ઓછી છે, આ જિંદગીમાં ?

સફળ થાવા, નક્કર વિચારોય કાફી !

દિશાઓ બધી જો ફરી જાય તો શું ?

ધરા પર અમારો ઈજારોય કાફી !

સુનીલ શાહ