મને થાય છે…
મને થાય છે, એ કદી આવશે,
ને કૂંપળ ફરી ફૂટવા લાગશે.
અમે મ્હેંક લાવ્યા હતા ફૂલની,
હતું કે, હવા કોઈ આપી જશે.
પ્રતીક્ષા તો હદથી વધારે કરી,
મિલન તો હવે શું જનાજે થશે ?
સળગવું હતું તોય સળગાયું નહીં,
અગન ઠારવા કોઈ આવ્યું હશે ?
આ સૂરજ તો હમણાં જ ડૂબી જશે,
રહ્યું એટલું સઘળું આપી જશે.
(લગાગા લગાગા લગાગા લગા)
સુનીલ શાહ
સુનિલ ભાઇ,
આ ગઝલના એકે એક શેર ખુબ જ ચોટદાર છે.
Comment by Vishal Monpara — February 8, 2008 @ 4:21 pm
એકદમ સરળ પણ સચોટ શબ્દોનો ઉપયોગ. સરસ ગઝલ બની છે.
Comment by Chirag Patel — February 8, 2008 @ 4:47 pm
સરસ ભાવ .
સળગવું હતું તોય સળગાયું નહીં,
અગન ઠારવા કોઈ આવ્યું હશે ?
કૈલાસ પંડિત યાદ આવી ગયા……
ફના થાવાને આવ્યો’તો પરંતુ એ ખબર નો’તી,
મને સળગાવતાં પહેલાં સ્વયમ્ દીપક ઠરી જાશે.
Comment by સુરેશ જાની — February 8, 2008 @ 6:54 pm
ગઝલના બધા શેર સુંદર.
આ વધુ ગમ્યો
આ સૂરજ તો હમણાં ડૂબી જશે,
રહ્યું એટલું સઘળું આપી જશે.
ગનીભાઈ યાદ આવ્યાં
એવો કોઈ દિલદાર જગતમાં નજર આવે
આપી દે મદદ કિન્તુ ન લાચાર બનાવે
Comment by pragnaju — February 9, 2008 @ 2:11 am
અમે મ્હેંક લાવ્યા હતા ફૂલની,
હતું કે, હવા કોઈ આપી જશે.
આ સૂરજ તો હમણાં ડૂબી જશે,
રહ્યું એટલું સઘળું આપી જશે.
- આ બે શેર ગમી ગયા…. છંદ પણ સરસ જળવાયો છે. માત્ર એક કડીમાં એક જગ્યાએ છંદ જળવાયો નથી, પણ ક્યાં તે હું નહીં કહું. હવે આપ એટલા સક્ષમ થઈ ગયા છો કે અન્ય અવલંબનની જરૂર રહી નથી…
આ સરવાળાવાળું કાઢી નહીં શકાય? એટલી બધી સ્પામ કૉમેંટ્સ આવે છે? આખી કૉમેંટ લખી દીધા પછી સબમીટ કરીએ અને પછી યાદ આવે કે દાખલાનો જવાબ આપ્યો નહીં એટલે ફરીથી આખી મહેનત કરવી પડશે. કેટલાય લોકો એવા પણ હશે જે બીજીવાર મહેનત કરવાને બદલે કૉમેંટ કરવાનું જતું કરતા હશે…
Comment by વિવેક ટેલર — February 9, 2008 @ 7:26 am
આ સૂરજ તો હમણાં ડૂબી જશે,
રહ્યું એટલું સઘળું આપી જશે.
આ શેરમાં પ્રથમ પંક્તીમાં ‘જ‘ છાપવો રહી ગયો હતો તેથી છંદદોષ નજરે ચડે એ સ્વાભાવીક છે. વિવેકભાઈ..ધ્યાન દોરવા બદલ દીલથી આભાર. સુધારો આ પ્રમાણે છે…
આ સૂરજ તો હમણાં જ ડૂબી જશે,
રહ્યું એટલું સઘળું આપી જશે.
કોમેન્ટ સાથે સરવાળો કરવાની અગવડ ભરેલી વ્યવસ્થા હવેથી રદ કરી છે.
Comment by સુનીલ શાહ — February 9, 2008 @ 8:34 am
I can’t really remember the names of the clubs that we went to. – Shaquille O’Neal on whether he had visited the Parthenon during his visit to Greece
Comment by Braedon Billy — February 17, 2008 @ 2:13 pm
વાહ્…. !! સુનિલભાઈ,
ખૂબ સુંદર બધાં જ શેર સરસ….
સળગવું હતું તોય સળગાયું નહીં,
અગન ઠારવા કોઈ આવ્યું હશે ?
આ સૂરજ તો હમણાં ડૂબી જશે,
રહ્યું એટલું સઘળું આપી જશે.
વાહ્.. ક્યા બાત હૈ…!!!
Comment by Pinki — February 18, 2008 @ 9:18 am
Seems different from your previous posts. Did YOU write this post, or someone else did? Anyway, I think your readers really enjoyed reading it.
Comment by Laydee D — April 6, 2008 @ 4:54 pm
Very well! Are you dudes agree with me? When I read it I was like: oh man!Sounds great! This is just what I was searching for! All is true, and checked, I’m sure.
Comment by aaa — April 9, 2008 @ 10:19 am