સાથ દે તો…
સાથ દે તો તમસ પી જોઉં હું,
સૂર્યને આમ માપી જોઉં હું.
વેદનાની અમીરી ઊગે જયાં,
ત્યાં દિલાસાઓ આપી જોઉં હું.
અડચણો આવે સામટી તો પણ,
પ્રેમનો પંથ કાપી જોઉં હું.
આંખો તારી હજીયે છલકે છે,
થાય, આખી નદી પી જોઉં હું.
વીજની જેમ ચમકીને ઝટઝટ
મેઘના અર્થ માપી જોઉં હું.
(ગાલગા ગાલગાલ ગાગાગા)
સુનીલ શાહ
સરસ રચના.
વીજની જેમ ચમકીને ઝટઝટ
મેઘના અર્થ માપી જોઉં હું.
તમસ અને નીરાશાને નાથવા વીજદ્રશ્ટી જરુરી છે.
આ વીચાર બહુ જ ગમ્યો.
Comment by સુરેશ જાની — December 31, 2007 @ 3:29 pm
સુનીલભાઈ, તમે ગઝલમાં કુદરતને બખુબી વણી લો છો. અદભુત અને અભીનંદન.
Comment by Chirag Patel — December 31, 2007 @ 5:23 pm
સુંદર રચના…
Comment by વિવેક ટેલર — January 1, 2008 @ 5:49 am
સરસ રચના છે. પ્રથમ શેરનો ભાવ કંઈક આ પ્રમાણે જ છે ને?
(તું) સાથ દે તો તમસ પી જોઉં હું,
સૂર્યને આમ માપી જોઉં હું.
Comment by હેમંત પુણેકર — January 1, 2008 @ 8:06 am
સુંદર રચના
તેમાં-
અડચણો આવે સામટી તો પણ,
પ્રેમનો પંથ કાપી જોઉં -
ગમી
જો આવી વીજદૃષ્ટિ હશે તો અમારા સ્વ.જગદીશની જેમ
‘હું જોઉં છું મારી ઉત્તરક્રિયા’
પણ જોઈ શકશો!!
ઉતળિયે નાવ ડૂબે એમ મારી શૈયામાં સમાતો જાઉં છું.
હોઠ ખોલ્યા વિના ડૉકટરે કહેવું પડશે, “હવે… આમાં કાંઈ નથી.”
પછી – થોડાં આંસું, થોડાંક હીબકાં, થોડાક ફોન, થોડાક માણસો.
મારે અહીંથી જવું નથી, પણ ગયા વિના મરો છૂટકો નથી.
શરીર અને જીવનો આમ પણ ક્યાં મેળ મળ્યો’તો ?
પહેલાં હું શરીરનું કહ્યું માનતો ન’તો અને હવે શરીર…
Comment by Pragnaju Prafull Vyas — January 1, 2008 @ 4:02 pm
ખૂબ સુંદર…… !!
Comment by Pinki — January 2, 2008 @ 8:39 am
સાથ દે તો તમસ પી જોઉં હું,
સૂર્યને આમ માપી જોઉં હું.
સરસ રચના છે….
Comment by preeti mehta — January 2, 2008 @ 10:44 am
અડચણો આવે સામટી તો પણ,
પ્રેમનો પંથ કાપી જોઉં હું.
આંખો તારી હજીયે છલકે છે,
થાય, આખી નદી પી જોઉં હું.
સરસ રચના છે….
Comment by Ketan Shah — January 3, 2008 @ 5:26 am
દિવસે દિવસે ત્મારી ગઝલો તગડી થતી જાય છે.રચના સરસ છે. ગમી.
Comment by Harnish Jani — January 7, 2008 @ 6:31 am